لو حسرت ذلولك و ادناك الجور غز رايات الحربية وصيح الناطور

لو حسرت ذلولك و ادناك الجور
غز رايات الحربية وصيح الناطور

1لو حسرت ذلولك گوم وشوشح
بخو رية الشيمچي جدنا امشيوح
اليضربو العيثاوي أبدن ماصح
بحر الاسرار الطامي راعي الدستور

2بحر الاسرار الطامي الأبدن ميخاف
راعي الشارة المعلومة نسل الاشراف
لمن اتشوشح بالمحنه لبو عساف
من الشيل الحطابه تلفيك أحضور

3من الشيل الحطابه تلفيك أمدود
بيها أزوين وحمادي راعين الزود
سيد ضاري بصيحاته يدكلها احدود
سيف مجرب بالمحنه ضرباتو أنحور

4سيف أمجرب مايحوج گول وتنشيد
هذا ضاري الحمادي هذا الصنديد
ألهم شارة عتيجة شگت العربيد
مدستر من أبو خمرة وجده الناطور

5مدستر من جمع السادة راعي البرهان
أتهابه سباع البرية والانس وجان
اللاذ بجدي العيثاوي لا ماينهان
هذوله الله أمخولهم يلفون أحضور

6هذوله الله أمخولهم عند المحنات
يلفون الصايح بيهم يوم الكلفات
منطيهم سر وهيبه ذلت باشات
واليندك بصيرتهم يرجع مكسور

7واليندك أبصيرتهم ضنتي مگرود
جدهم سبع البو عيثه كسار اشرود
وبيهم خيال الكسله البيه كل الزود
واخو رية حاميها الما ينطي اكسور

8لبو صفاء الدين الدز الابيات
حادي للبوسلامة وكل السادات
بلچي بدعاهم ربي يفرج الكربات
أمدح والكل أجدود ومابيها أگصور

خادم الصالحين
أبو عبيدة الجيسي