گوم وصيح يالحادي لبو زهية والانجادي وحشم الشيخ أبو خمرة وضاري نسل حمادي

گوم وصيح يالحادي
لبو زهية والانجادي
وحشم الشيخ أبو خمرة
وضاري نسل حمادي
¤¤¤¤¤¤¤¤¤¤¤¤¤
1)گوم وصيح بالشجعان
يباز الله شلون أنهان
چيف انضام ياگيلان
وانته قطب بغدادي

2)أريد أنخاك ابو العرجة
وادز أخطوط محتجه
عليش أنادي ونرجة
أذا مابيكم أمدادي

3)ندبتك وين ابو خمرة
صفت وسط الحشا جمرة
يويل الويل والثبرة
أنما جيتو عالجيادي

4)أدز أخطوط برقية
وافزع وين ابو زهية
الشيخ الما حضر ليه
بسمه بعد مانادي

5)يسادتنه العزم ثاوي
زماني وياي متلاوي
كوم افزع يعيثاوي
يضاري يبن حمادي

6)ندبتك وين شيخ أحمود
سرك خمد البارود
أصيح وما لفتني أمدود
شنهو العذر يجدادي

7)نخيتك وين أبو عساف
دليل من جفاكم ساف
مدد ياسادتي الاشراف
يا عز الصاح بطرادي

Cool

ندبت الساكن الشايات
وذاك البهذل الباشات
واهل راوه وابو العجات
مدد لو صوت الحادي

9) مدد كومو يهالينه
يخو زهيه توازينه
ينامس لاتجافينه
يهلنه صار العنادي

10) ندبتك وين أبن ليفان
وكل الجبر والحفيان
والمحدد وابو سليمان
وكلمن سكن بغدادي

11) أيا مشيوح دحثوهن
أرچاب الخيل دنوهن
عالعايل دكدوهن
جفيتو وماني معتادي

12) أشوشح عالي الاجبالي
فزعكم ماتهيالي
سيد رجب يالغالي
بشواربكم يصيادي

13) بشواربكم يهل ريه
حادي آني لبو ازهية
واريد البيه غيريه
يجدح جدح الأزنادي

14) أبوعبود حاديكم
يومي وينتخي بيكم
أريد اشوف تاليكم
واريد اليگضي المرادي

15) أريد الينتخي هدار
ولا يرضى الخزي والعار
ما يسوه ربع دينار
شيخ اليترك الحادي

خادم الصالحين
الحادي
أبوعبيدة الجيسي

» المداح الشاعر الشيخ ضاري حمادي الرفاعي3المداح الشاعر الشيخ ضاري حمادي الرفاعي3
» قصيدة المداح الشيخ ضاري حمادي الرفاعي رحمه الله
» نسب الشيخ ابو خمرة(قدس الله سره)
» نسب الشيخ ابو خمرة(قدس الله سره)
» الشيخ عيسى وابو خمرة واخو رية