أدز خطي بزعل واليجفي مومعذور
لبو خمرة الاسد ومشيــوح الناطور
◙●◙●◙●◙●◙●◙●◙●◙
1.أدز خطي لهل بغداد واخبرهم
تره أعدانه طغو ماينچفي شرهم
يعبد القادر الگيلان ما يرهم
أتخلون المريد من الوزه مقهور
◙●◙●◙●◙●◙●◙●◙●◙
2.أتخلون المريد أيصيح يسيادي
يبو خمرة الاسد ماتسمع الحادي
أن مابين فزعكم يهل الامدادي
عليش أنصب روايه وبيرگن منشور
◙●◙●◙●◙●◙●◙●◙●◙
3.عليش أنصب روايه بروس الجبالي
وشوشح للبو خمرة شيوخ الابطالي
يبو عبدالوهاب الدمع شلشالي
على اليواعي دكومو ياهل الدستور
◙●◙●◙●◙●◙●◙●◙●◙
4.عل اليواعي دكومو ياهل الشارة
يخو ريه الزعيم الشاعت أخبارة
الشيخ الماحضرني مقبل أعذاره
مدد يهل المدد عالطالبين أحضور
◙●◙●◙●◙●◙●◙●◙●◙
5.مدد يهل المدد عالصاح أبو مجول
خبرتي أنك على العوجات ماتقبل
شبلاه سيف الحروب اليوم ما ينسل
عجب وانته شبيه الماطلي من أتثور
◙●◙●◙●◙●◙●◙●◙●◙
6.عجب وانته شبية الاسد لوصاحي
يشيخ أزوين هم الچبد ما راحي
دشدو عل الينادي بكامل اسلاحي
تــ.گول أفزاع جاني من اهل الدستور
◙●◙●◙●◙●◙●◙●◙●◙
7.تــ.گول افزاع جاني من أخو ريه
وابوخيمة الشيمجي وي ابوأهوية
گصيدة إلكم من حادي السلامية
أبو عبود خادمكم تره مجبور
◙●◙●◙●◙●◙●◙●◙●◙
8.أبو عبود خادمكم تره الناده
واريد اليرعب العدوان ياساده
حاسبكم يضاري بجملة أجداده
يزلزلة الرعيد شلون تنطي أكسور
◙●◙●◙●◙●◙●◙●◙●◙
9. لفو عگب الجفا وگلت الهلا بيهم
من أبوصاحب لفتني اطروش تانيهم
أبو خمرة لفه يدردم بتاليهم
وگال أبشر يحادي ماتشوف أگصور
◙●◙●◙●◙●◙●◙●◙●◙
10.وگال أبشر يحادي أسباع ماتنهان
تره اجدودك نشامه وبيهم البرهان
بس دحج وراك أشصار بالميدان
وشوف شلون ضرب أمشيوح الناطور
◙●◙●◙●◙●◙●◙●◙●◙
11.وشوف شلون ضربات الصناديدي
سگو عدوانهم سم العرابيدي
أخو رية اللفاني وگال يوليدي
بأمر الله الفزع مانجفي يامثبور
◙●◙●◙●◙●◙●◙●◙●◙
خادم الصالحين
أبو عبيدة الجيسي
Hitskin.com
موضوع: أدز خطي بزعل واليجفي مومعذور لبو خمرة الاسد ومشيــوح الناطور